Nun ye novedá nenguna que la cueva de xelu de Peña Castil ye cada vez menos de xelu, y qu'esti famosu cuévanu nel Macizu Central de los Picos d'Europa, a más de 2.400 metros d'altitú, ve cada añu que pasa dilise les sos parés y suelu. Agora, nel últimu "informe Clivar", de 2024, nel que científicos de tol mundu analicen l'impactu del cambiu climáticu, avisen de que la mengua de xelu pon en riesgu los denominaos "archivos de datos paleoambientales". Son estos cuerpos de xelu perenne, los más antiguos, los que guarden información de gran valor sobre los últimos milenios. Tán en riesgu los de Castil y dalguna cueva más nos Picos, y tamién nos Pirineos.