„Бритиш ервејс“ објави дека ги откажа сите летови до и од Абу Даби до крајот на оваа година поради војната на Блискиот Исток. Компанијата соопшти дека летовите до и од Аман, Манама, Доха, Дубаи и Тел Авив се откажани до крајот на овој месец. -Постојано ја следиме ситуацијата и сме во контакт со нашите патници со цел да им понудиме различни опции, објави авиокомпанијата. Исто така, се наведува дека има ограничен број места на летовите за репатријација од Оман до аеродромот Хитроу, кои се закажани за утре и четврток. Војната што ја започнаа САД и Израел против Иран предизвика откажување на бројни летови низ Блискиот Исток. Со оглед на тоа што поголемиот дел од воздушниот простор на регионот е сè уште затворен поради закани со ракети и беспилотни летала, некои патници се насочуваат кон приватни авиони, додека чартер летовите и ограничен број комерцијални авиокомпании се обидуваат да евакуираат десетици илјади луѓе.