Седиштето на француската левичарска партија „Непокорна Франција“ (ЛФИ) во Париз беше евакуирано денеска поради пријавена закана со бомба, изјави националниот координатор на движењето Мануел Бомпар, додавајќи дека сите вработени и активисти се безбедни, и дека тревогата е подигната околу пладне, а подоцна е укината. Бомпар изјави на „Икс“ дека полициските сили се на лице место и дека партијата презела мерки за заштита на своите соработници, без да даде детали „од безбедносни причини“. Тој, исто така, ги повика државните власти да „обезбедат достоинствен и здрав демократски дијалог“. Во последните денови, како што објасни БФМ, партијата се соочи со напади и вандализам откако беше обвинета за „морална одговорност“ во врска со смртта на активистот Кантен Деранк, кој беше нападнат на 12 февруари во Лион и подоцна почина. Претседателката на групата ЛФИ во францускиот парламент, Матилде Пано, ја оцени одговорноста како „огромна“ за оние кои продолжуваат да ги напаѓаат и потсети на заканите, н...