Француските безбедносни сили приведоа 32 лица осомничени за подметнување шумски пожари во 22 департмани од почетокот на летото, соопшти денеска министерот за внатрешни работи Лоран Нуњез. Осомничените се приведени во време кога жандармеријата ги продолжува операциите за справување со шумските пожари ширум земјата, поддржувајќи ги напорите за локализирање на пожарите и евакуација на луѓето од погодените подрачја, наведе Нуњез во објава на Х. Тој додаде дека безбедносните сили исто така спроведуваат надзор и истраги поврзани со пожарите. „Од почетокот на летото, жандармеријата е ангажирана во операции за гаснење на шумските пожари како поддршка на напорите за локализирање и евакуација, како и за надзор и истрага“, истакна Нуњез. Тој прецизираше дека 32 лица осомничени за предизвикување пожари се приведени во 22 департмани. „Ова неприфатливо однесување, кое води до катастрофални последици и ги става во ризик животите на нашите пожарникари, сега ќе биде изведено пред судовите“, порача фран...