Имплементацијата на Стратегијата за инклузија на Ромите е позиционирана како висок приоритет на Владата. Ова не е формална програмска обврска, туку прашање на вредности, владеење со одговорност и градење држава во која еднаквоста не е само заложба, туку реалност, беше порачано на денешната презентација на Извештајот за проценка на имплементацијата на Стратегијата за инклузија на Ромите 2022-2030 година. Министерот без ресор задолжен за имплементација на Стратегијата за инлузија на Ромите, Шабан Салиу рече дека стратегијата претставува системска рамка за создавање на праведно и инклузивно општество, еднаков пристап до квалитетно образование, здравствена заштита, социјална сигурност и достоинствено домување. Анализата изработена од експертот Ебен Фридман, според министерот Салиу, ги покажува постигнатите резултати, но ги детектира и областите каде е потребна поголема ефикасност, подобра организација и подобра отчетност. - Очекувам надлежните институции активно да се вклучат во дискусијат...