Министерот за надворешни работи и надворешна трговија, Тимчо Муцунски, денеска се обрати на Македонско–јапонскиот бизнис форум, организиран од Амбасадата на Јапонија во Скопје, на кој, како што информираат, учествуваат повеќе од 150 претставници од бизнис-заедницата и B2B средби за вмрежување и директна соработка меѓу компании од двете земји. Муцунски, како што информираат од неговиот Кабинет, во своето обраќање ја нагласил важноста на продлабочувањето на економската соработка меѓу двете држави и истакнал дека традиционално добрите билатерални односи треба да се преточат во уште поинтензивна деловна соработка. - Нашите две земји имаат традиционално одлични и пријателски односи, изградени врз основа на меѓусебна почит, доверба и поддршка. Но пријателството само по себе не е доволно – партнерствата мора да носат и конкретни резултати - истакна Муцунски. Тој посочил дека актуелната трговска размена меѓу двете земји изнесува околу 140 милиони долари годишно, што претставува добра основа, н...