Папата Лав XIV во денешната молитва изрази „длабока загриженост“ поради неодамнешните настани на Блискиот Исток и Иран. - Стабилноста и мирот не се градат со меѓусебни закани, ниту со оружје, кое сее уништување, болка и смрт, туку само преку разумен, автентичен и одговорен дијалог – рече тој. Папата предупреди на огромна трагедија доколку насилството ескалира надвор од контрола, пренесе Ватикан Њуз. - Соочен со можноста за трагедија од огромни размери, до вклучените страни упатувам искрен апел да ја преземат моралната одговорност за запирање на спиралата на насилство пред таа да стане непоправлива бездна – нагласи папата. Папата Лав се помоли нациите да се вратат на дијалогот со цел да бараат мир. - Нека дипломатијата ја врати својата улога и нека се промовира доброто на народите, народите кои копнеат за мирен соживот заснован на правда. И да продолжиме да се молиме за мир – рече тој. (МИА)