Руската делегација заминува во Женева на мировни преговори за Украина со јасни упатства да дејствува во рамките на договорите постигнати на руско-американскиот самит на Алјаска, изјави денеска заменик-министерот за надворешни работи на Русија, Сергеј Рјабков. - Можам да кажам дека нашата делегација вечерва заминува со најјасни можни упатства да дејствува во рамките кои (рускиот и американскиот) претседатели (Владимир Путин и Доналд Трамп) ги договорија за време на нивниот состанок во Енкориџ. Без тоа не може да се постигне успех – рече Рјабков на претставувањето на специјалното издание на списанието „Руско мислење“, кое е посветено на руско-американските односи, пренесува Тасс. Рјабков потврди дека на преговорите во Женева, кои ќе се одржат утре, предвиден е и „трилатерален руско-американско-украински“ состанок. - Прашањата се сложени и веројатно никој не би можел да го предвиди исходот од разговорите што ќе се одржат утре. Мораме да обезбедиме дека потенцијалниот договор ќе биде одржл...