ხუთი ევროპული სადაზვერვო სააგენტოს ხელმძღვანელები პესიმისტურად არიან განწყობილნი რუსეთისა და უკრაინის ომის 2026 წლისთვის დასრულების შესახებ შეთანხმების მიღწევის შანსებთან დაკავშირებით. მათ საკუთარი მოსაზრებები „როიტერისს“ გაუზიარეს. მათი თქმით, რუსეთს ომის სწრაფი დასრულება არ სურს. დაზვერვის ოთხი თანამშრომელი მიიჩნევს, რომ კრემლი აშშ-სთან მოლაპარაკებებს სანქციების შემსუბუქებისა და ახალი შეთანხმებების მისაღწევად იყენებს. ერთ-ერთმა თანამდებობის პირმა კი მოლაპარაკებებს „თეატრალური წარმოდგენა“ უწოდა.