Професор д-р Гоце Цветановски ѝ го подари првиот том од „Македонскиот етимолошки речник“ на градоначалничката на Општина Кисела Вода, Бети Стаменкоска Трајкоска. Истакнатиот македонист, кој потекнува токму од оваа општина, на создавањето на овој обемен лексикографски труд работеше интензивно во изминатите три години. Станува збор за прво издание од ваков вид во домашната македонистика, во чии рамки научно се елаборира и систематизира потеклото на македонскиот зборовен фонд. Неговата вредност е од суштинско значење, бидејќи пополнува повеќедецениска празнина во лингвистичката наука, нудејќи им прецизна етимолошка база како на стручните лица, така и на пошироката јавност. Со овој лексикографски потфат, македонскиот јазик се позиционира меѓу јазиците во регионот кои веќе поседуваат своја етимолошки речник. -Ми претставува задоволство што бев домаќин на професорот Гоце Цветановски, кој потекнува од Кисела Вода и е автор на првиот македонски етимолошки речник. Ова е дело на кое се работело ...