Денес, на „Меѓународната конференција за институционалните и клиничките аспекти и решенија по пожарот во Кочани“, уште еднаш се навративме на една од најтешките трагедии што ја погоди нашата држава, напиша на Фејсбук директорот на СОЗР, Ивица Томовски. Најнапред сакам повторно да изразам длабоко сочувство до семејствата на настраданите. Нема зборови со кои може да се утеши загубата, ниту пак има реченица што може да ја намали болката што ја носат. Болката е заедничка и човечка, и национална. Во тие тешки моменти, како институции имавме должност да реагираме брзо, одговорно и солидарно. Отворивме донаторска сметка преку Црвениот крст, свесни дека многу граѓани сакаат да помогнат и да дадат свој придонес во овој тежок и немил настан. Истовремено беше свикана итна владина седница, на која од буџетските резерви беа издвоени почетни 30 милиони денари, со цел семејствата да можат да бидат во непосредна близина на повредените кои се лекуваа надвор од државата. Како Служба за општи и заеднички...