И новинарот Љубиша Николовски се запраша околу лидерските капацитети на актуелното раководство. Во ФБ статус тој потенцира дека прашањата кои ги отвори Платформата на Игор Ивановски Шема ги има и меѓу членството на СДСМ. Николовски анализира дека големите партии не се градат само со лојални луѓе, туку и со способност критичарите да останат дел од организацијата и дека ова е тест за „лидерството“ на Филипче. На крајот заклучува дека кризата во СДСМ денес не е само идеолошка или програмска, туку дека таа е пред сè криза на легитимитетот на лидерството. Во продолжение целосниот ФБ статус на Љубиша Николовски: „СДСМ VS „Платформа“ 12.05 „Платформата“ отвора прашања што постојат и меѓу членството. Без разлика дали некој се согласува со нивните ставови, тие зборуваат за демократизација, кадровска политика, отчетност и потреба од нова визија. Наместо тие прашања да станат тема за дебата, конфликтот се персонализира. Раководството од своја страна има право да го штити единството на партијата, ...