Украинскиот претседател Володимир Зеленски има намера на 24 февруари да презентира план за одржување претседателски избори, кои би се одржале заедно со референдум за евентуален мировен договор со Русија. Оваа информација денес ја потврдија украински и западни претставници запознаени со планирањето, пишува Фајненшл тајмс. Минатата недела, Ројтерс објави дека, според рамката што ја дискутираа американските и украинските преговарачи, секој мировен договор со Русија ќе биде одобрен од граѓаните на референдум. Гласачите би одлучувале за договорот истовремено со националните избори, а претставниците го споменаа мај како можен датум. Фајненшл тајмс денес потврди дека Украина веќе ги започнала подготовките.