На состанокот на Комисијата за политички прашања и демократија на Парламентарното Собрание на Советот на Европа, на која учествува заменик-шефицата на Делегацијата, Иванка Василевска, а која се одржува во Монако на 9 и 10 март 2026 година, една од темите на која беше ставен фокусот се однесуваше на насилството и говорот на омраза против политичарите, се вели во соопштението од собраниската прес-служба. Овој феномен беше идентификуван како една од главните закани за демократската стабилност, а пратениците ја усвоија Нацрт-резолуцијата која е предвидено да се најде на следното пленарно заседание на Парламентарното собрание на Советот на Европа. Пратеничката Иванка Василевска, во своето обраќање на темата, нагласи дека во земјите на Советот на Европа, избраните претставници се соочуваат со растечки закани, насилство, онлајн вознемирување и говор на омраза, а тоа ги одвраќа особено жените, малцинствата и младите од политика, предизвикува самоцензура и ја намалува довербата во институциите....