Шестиот Висок совет за соработка меѓу Грција и Турција ќе се одржи во Анкара на 11 февруари. Деталната програма и агенда ќе бидат објавени од Министерството за надворешни работи, соопшти портпаролот на грчката Влада Павлос Маринакис на денешниот редовен брифинг со новинарите, јави дописничката на МИА од Атина. -Грција пристапува кон дијалогот со верба и самодоверба, секогаш земајќи го предвид меѓународното право и без апсолутно никаква намера за отстапка. Уште еднаш нагласуваме дека со Турција имаме една и единствена разлика: утврдување на Ексклузивна економска зона и континентален гребен и дека никогаш нема да ги ставиме на маса прашањата за суверенитет и црвените линии, рече Маринакис. Делегациите на двете земји на Високиот совет се предводени од грчкиот премиер Кирјакос Мицотакис и турскиот претседател Реџеп Таип Ердоган, кои се очекува да остварат и билатерална средба. Последниот состанок на Високиот совет за соработка меѓу двете земји се одржа во декември 2023 година во Атина кога...