За нас гробот не е крај, смртта го нема последниот збор, последниот збор го има Животот, изворот на Животот, Богочовекот Христос, кој што прв слезе во гробот и како првенец воскресна и направи пат на секоја душа, на слобода и на излез од смртта, вели во утешителна беседа на викарниот Епископ Стобиски г.Јаков. -На Него се надеваме и во Неговите раце, во Неговите прегратки ги испраќаме сите пострадани и на На Него Милосрдниот Му се молиме Му се молиме да ги укрепи и да ги исцели оние кои што пострадале и оние кои што страдаат на било каков начин. Бог да им даде Царство Небесно, да им даде утеха и исцеление на повредените, на ожалостените, а недостатокот и отсуството нивно, Бог да го пополни со Својата љубов и со Својата благодат. Жив е нашиот Бог и ние живи ќе бидеме!
Беседа молебен на Пресвета Богородица се одржа за постраданите и упокоени во пожарот во Кочани. Епископ Стобиски г.Јаков одржа утешителна беседа, изразувајќи надеж во Бога и молитви за утеха, исцеление и Царство Небесно за жртвите, како и поддршка за повредените и ожалостените.
