Родители чии деца се хоспитализирани во Штипската болница по пожарот во дискотеката во Кочани се пуштаат во болницата за да си ги видат децата, објави Нова Македонија. Пред болницата има полиција и волонтери од Црвен крст кои им пружаат помош на семејствата. Сите лекари и медицински пероснал се мобилизирани во Штипската клиничка болница уште во раните утрински часови. Како што претходно информираше директорот на Клиничката болница Штип, Владко Захариев хоспитализирани се 38 пациенти и сите се стабилни со изгореници по лицето и рацете од втор степен. Пациентите со трет степен изгореници се препратени на клиниките во Скопје за натамошен третман.
Во штипската болница се пуштаат родители да ги видат своите деца хоспитализирани поради изгореници од втор степен, после пожар во дискотека во Кочани. 38 пациенти се хоспитализирани во Штип, а пациентите со изгореници од трет степен се префрлени во Скопје.
