Здружението на новинари на Македонија испрати апел и реагираше на непочитувањето на новинарските и етички стандарди од страна на дел од домашните и медиумите од регионот кои известуваа од погребите на жртвите во Кочани. ЗНМ потсетува дека известувањето од денешниот погреб треба да биде во согласност со утврдениот протокол и основните принципи на професионалната етика. […] Source
ЗНМ и Независното здружение на новинари на Србија (НУНС) остро ги осудуваат медиумите кои грубо ги кршат новинарските стандарди при известувањето од погребите во Кочани, особено порталот Република.рс. Тие апелираат до медиумските работници и редакции да покажат почит и одговорност кон жртвите и нивните семејства, да не објавуваат содржини кои можат да предизвикаат дополнителна болка и да се придржуваат кон стандардите на етичкото новинарство. Владата помага на погодените од трагедијата со 150.000 денари за семејствата на оние кои се лекуваат во странство. Сите настрадани починале од задушување. Под истрага се 34 физички и 3 правни лица. Сопственикот на фирмата која ја управувала дискотеката е приведен, бидејќи фирмата имала блокирана сметка. Уапсен е и потписникот на проектот кој потврдил дека дискотеката ги исполнува условите за работа. Во Белград се одржаа масовни студентски протести. Макрон ја повика Русија да прифати примирје.
