Министерството за транспорт нема надлежности за објектот на клубот „Пулс“ во Кочани, кој е од Б категорија, зашто после донесувањето на Законот за децентрализација, Министерството е надлежно само за објекти од А категорија, информира денеска ресорниот министер и вицепремиeр Александар Николоски. - Објектот е изграден во 1999 година според важечки план во рамки на општина Кочани. Изграден е како лесна незагадувачка индустрија и одреден период се користи како фабрика за текстил, а потоа како магацин. Потоа е дограден еден дел од околу 50-тина квадратни метри кој е легализиран во 2011 година согласно Законот за легализација на бесправно изградени објекти и е приклучен на постојниот објект. Тоа значи дека се е испочитувано од аспект на урбанистичко планирање, рече Николоски во одговор на прашање на денешната прес-конференција во Владата. Проблемот, како што кажа, настанува во оној момент кога почнуваат адаптации и реконструкции на објектот во внатрешноста без никакво одобрение од никого...
Министерството за транспорт нема надлежност за објектот „Пулс“ во Кочани, бидејќи е изграден во 1999 година, а по децентрализацијата, Министерството е надлежно само за објекти од А категорија. Објектот е изграден како лесна индустрија и подоцна е дограден дел кој е легализиран. Проблемот настанува кога се вршат адаптации и реконструкции во внатрешноста без одобрение, а Министерството за економија требало да провери дали објектот ги задоволува минималните прописи.
