„Да го прокоментираме и растот на Бруто домашниот производ во четвртиот квартал. Апсолутно тоа се први индикации дека економијата заздравува, дека одиме во правилна насока за помалку, би рекол од три квартала, ја стабилизиравме состојбата во државата, што беше практично и наша примарна цел. Да ја стабилизираме од слободниот пад, а потоа се разбира преку активни политики и домаќински политики, чесно и добро владеење, да успееме да обезбедиме раст на економијата. Во третиот квартал, ќе ве потсетам таа беше 3%, сега е 3.2%. Очекувам овој тренд да продолжи во првиот квартал од оваа година. Очекувам уште една убава вест кон крајот на неделата. И мислам дека стратегијата да ја консолидираме, а потоа да ја придвижиме до точка нула и потоа да ја развиваме полека, но сигурно, вродило со плод. Порано од нашите очекувања се стабилизираа состојбите, буџетот се полни со предвидената динамика и ценам дека доаѓаат убави времиња за македонските граѓани.“
Мицкоски изјави дека растот на БДП во четвртиот квартал е прва индикација дека економијата заздравува и дека преку активни и домаќински политики се обезбедува раст на економијата. Тој очекува трендот да продолжи и во првиот квартал од годината.
