Ова се неизвесни времиња и знам дека некои можеби се загрижени за иднината на НАТО, но трансатлантските односи и партнерство остануваат основа на Алијансата, порача денеска генералниот секретар на НАТО, Марк Руте по средбата со полскиот пре
Генералниот секретар на НАТО, Марк Руте, по средбата со полскиот претседател Анджеј Дуда, порача дека трансатлантските односи се основа на Алијансата. Тој истакна дека сојузниците работат на зголемување на инвестициите во одбраната и придонесуваат за праведен и траен мир за Украина, посакувајќи крај на руската агресија. Руте ја нагласи посветеноста на САД кон НАТО, но и очекувањето Европа да инвестира повеќе во одбраната, посочувајќи на зголемувањето на инвестициите во одбраната на Европа и Канада за 20 отсто минатата година. Тој ги поздрави големите инвестиции во одбраната на Данска, Велика Британија, Германија, Франција и Чешка, истакнувајќи ја Полска како позитивен пример со 4,7 отсто од БДП за одбрана.
