За случајот со пожарот во дискотеката во Кочани досега приведени се 18, а задржани се 16 лица. Вкупно се извршени разговори со 71 лице, од кои 42 во Скопје и 29 лица во Кочани. За 14 лица е изречена мерка притвор во траење од 48 часа. Министерот за внатрешни работи Панче Тошковски, денеска на прес-конференција во МВР, нагласи дека максимално се посветени на овој случај и дека се преземаат максимални чекори во насока на негово разрешување, посочувајќи дека се вршат претреси и сослушувања и дека клучното коешто го превземаат како дејствие „е утврдување на конкретни дејстивја на вината без оглед дали станува збор за сторување или за несторување“. Претреси, рече Тошковски, извршени се на две лица, вработени во Министерство за економија, при што одземени се техничка опрема, документација, оружје, муниција, а денеска извршени се претреси и на службени простории кои се користат од државен советник во рамки на Министерство за економија. Претреси, исто така, извршени се и кај управителот и о...
Во врска со случајот со пожарот во дискотеката во Кочани, извршени се претреси во Министерството за економија, кај управителот и одговорното лице на дискотеката "Пулс" и во Општина Кочани. Приведени се 18 лица, задржани се 16, а за 14 е одреден притвор.
