Апликацијата Телеграм ги отфрли руските тврдења дека странските разузнавачки служби можат да пристапат до пораките испратени од руски војници во Украина. Апликацијата соопшти дека не открила никакви прекршувања на нејзиното енкрипција, објави Скај њуз. „Тврдењето на руската Влада дека нашата енкрипција е загрозена е намерна измислица наменета да го оправда забранувањето на Телеграм и принудувањето на граѓаните на државна платформа за пораки дизајнирана за масовен надзор и цензура“, соопшти компанијата. Како што претходно беше објавено, рускиот министер за дигитален развој Максуд Шадаев тврдеше дека постојат „бројни индикации“ дека странските разузнавачки агенции користат податоци против руската војска. Телеграм е една од најпопуларните услуги за пораки во Русија и е широко користена од војниците што се борат во Украина. Апликацијата се соочува со притисок од руските власти, кои воведоа ограничувања за наводно неотстранување на екстремистичка содржина.