„Ви благодарам што ми дозволивте да се обратам, за жал македонскиот јазик го разбирам, но не го зборувам, па ќе продолжам на хрватски јазик.“ По куртоазниот гест кон земјата-домаќин, првиот човек на Саборот на Хрватска, држава од соседството која е силен поддржувач на македонските евроинтеграции, на својот мајчин јазик го продолжи обраќањето во Собранието и пред пратениците испорача две клучни пораки – првата беше поврзана токму со пристапувањето кон ЕУ, процес кој повеќе од една година тапка во место поради незавршените уставни измени. „Не е коректно кон вас зашто преговарачките поглавја се уште не се отворени“, изјави Гордан Јандроковиќ, и користејќи го хрватското искуство повика на истрајност. „Се надеваме дека нашето партнерство во НАТО ќе биде надградено со вашето членство во ЕУ. Нам, во Хрватска, ни е важно што одлуката за отворање на преговорите со Македонија и Албанија беше донесена за време на нашето претседавање со Унијата во март 2020 година. Но, за жал и по 5 години ваши...
Гордан Јандроковиќ, претседател на хрватскиот Сабор, изјави дека не е коректно кон Македонија што преговарачките поглавја со ЕУ сè уште не се отворени. Тој ја истакна поддршката на Хрватска за евроинтеграциите на Македонија и изрази надеж за нејзино членство во ЕУ, потсетувајќи дека одлуката за отворање на преговорите со Македонија и Албанија била донесена за време на хрватското претседавање со ЕУ.
