На иницијатива на ПАСОК и со поддршка на уште три опозициски партии, во текот на денешниот ден се очекува до Парламентот да биде доставен предлог за гласање недоверба на грчката Влада, поради железничката несреќа кај Темпи пред две години,
Грчките опозициски партии, предводени од ПАСОК и со поддршка од СИРИЗА, Нова левица и Курс на слободата, се очекува да поднесат предлог за гласање недоверба на Владата поради железничката несреќа кај Темпи пред две години. Иако за предлогот се потребни најмалку 50 потписи од пратеници, а опозицијата ги има потребните, сепак не се очекува да биде изгласан, бидејќи владејачката Нова демократија има мнозинство од 156 места во Парламентот. Паралелно, грчкиот Парламент даде зелено светло за формирање предистражна комисија за евентуална кривична одговорност на Христос Триандопулос, кој во периодот на несреќата беше министер без ресор, а во повеќе градови низ Грција се најавени нови протести.
