Општина Кисела Вода продолжува со својата заложба за подобрување на животниот стандард на своите повозрасни жители, воведувајќи за прв пат еднократна финансиска поддршка за најранливите категории пензионери. Со оваа мерка, финансиска помош ќе добијат сите пензионери кои примаат старосна, инвалидска, семејна или социјална пензија и се жители на општина Кисела Вода, а чии месечни примања не надминуваат 22.640 денари според јануарскиот чек за 2025 година. На секој од нив ќе му бидат доделени 2.500 денари како еднократна финансиска поддршка. Општината дополнително ќе го покрие и персоналниот данок, кој не е пресметан во овие средства. Оваа помош ќе се доделува се до исцрпување на предвидените средства, кои во буџетот на Општина Кисела Вода за оваа намена изнесуваат 7.000.000 денари.
Општина Кисела Вода ќе додели еднократна финансиска помош од 2.500 денари на пензионери кои примаат старосна, инвалидска, семејна или социјална пензија и чии месечни примања не надминуваат 22.640 денари според јануарскиот чек за 2025 година. Општината ќе го покрие и персоналниот данок. За оваа намена се предвидени 7.000.000 денари во буџетот на општината. Јавниот повик ќе биде објавен во весникот ,,Слободен печат” и на општинската веб страна.
