Вечерта пред да биде убиен Панче Жежовски, беше среда, дома кај мене дојдоа Видески, а потоа со „кангуто“ и Палчо и Кешишев, раскажа обвинетиот Велибор Манев на прашања на судијата Ивица Стефановски, на денешното рочиште за убиствата на велешкиот пензионер и Вања Ѓорчевска во Кривичниот суд во Скопје. -Бевме да купиме дизел и бензин со моето возило со Кешишев. Наточивме на Макпетрол на влезот во Велес во големи балони од по десет литри. Го ставивме кај мене во гаража. Следниот ден ги ставивме во Кангуто и отидовме сите четворица пред куќата на Панче. Од мојата до куќата на Панче има околу 600 метри. Првата вечер само гледавме и се вративме пешки до кај мене дома. Следното утро пак се собрале Истата екипа се собрале следното утро со себе имале и Мотороли -Јас, Боре и Палчо имале радио станици. Тројцата тргнавме пешки кон куќата на Панче, Кешишев со Кангуто на паркингот кај пругата. Беше пред зора. Не видов дека некој носи пиштол во тој момент. Чекавме до кај 7 и 20 часот. Тогаш Панче...
Според изјавата на Манев, Палчо го убил Панче со истрел додека лежел. Манев бил сведок на настанот, а потоа го турнале телото во дупка која ја наполниле со земја. Мобилниот телефон на Панче го фрлиле во дол, а автомобилот на Панче го оставиле во близина на Кванташки пазар во Скопје.
