„Со длабока тага ја примивме веста за трагедијата во Кочани, која одзеде млади животи и остави неизмерна болка. Ова не е само трагичен настан – ова е повик за будност, одговорност и правда“, соопшти Горан Минчев, Министер за јавна администрација. „Нема зборови што можат да ја ублажат тагата на семејствата, но мора да има одговори и постапки што ќе спречат вакво нешто да се повтори. Секој што потфрлил во својата должност мора да сноси одговорност. Во овој тежок момент, изразуваме искрено сочувство до семејствата и блиските на загинатите, додека на сите повредени им посакуваме брзо закрепнување“, потенцира во соопштението. Нека почиваат во мир, стои во соопштението на Горан Минчев, Министер за јавна администрација.
Министерот Минчев изрази сочувство за трагедијата во Кочани, порачувајќи дека настанот не е само трагедија, туку и повик за будност, одговорност и правда. Тој бара одговорност за сите кои потфрлиле во својата должност и изразува надеж дека вакви трагедии нема да се повторат.
