Судија на претходна постапка им одреди „краткотраен притвор“ од 48 часа на поранешниот министер за економија Крешник Бектеши, на поранешниот директор на Државниот пазарен инспекторат Горан Трајковски и на уште 12 лица осомничени за пожарот во дискотеката „Пулс“ во Кочани.
По ужасот во Кочани, поранешниот министер за економија Крешник Бектеши, поранешниот директор на Државниот пазарен инспекторат Горан Трајковски и уште 12 лица се во краткотраен притвор од 48 часа поради пожарот во дискотеката „Пулс“ во Кочани, каде загинаа 59 лица, а 155 се повредени. Тие се сомничат за „тешки дела против општа сигурност“ и се испитуваат за примање/давање поткуп и незаконска набавка на пиротехнички средства. Градоначалникот на Кочани, Љупчо Папазов, исто така е сослушан и неговиот статус во постапката дополнително ќе се утврдува.
