По повод 8 март, Меѓународниот празник на жената, денеска, Интернационалната полициска асоцијација ИПА Охрид и СВР Охрид, на припадничките на понежниот пол – учеснички во сообраќајот им подарија цвеќе. Со ова, на сите припаднички на понежниот пол, симболично им го честитавме 8 март, искажавме почит кон жените возачи на моторни возила и учеснички во сообраќајот и се приклучивме во одбележувањето на овој меѓународен празник. Покрај ова, со едукативни флаери ги потсетивме жените возачи да внимаваат при управувањето со моторните возила, да ги почитуваат сообраќајните правила и прописи и на тој начин, со совесно учество во сообраќајот, да го дадат својот придонес за зголемена сообраќајна безбедност и повисока сообраќајна култура.
ИПА Охрид и СВР Охрид го честитаа 8 март на жените возачи со цвеќе и едукативни флаери, потсетувајќи ги на важноста на почитување на сообраќајните правила за зголемена безбедност.
