Две јавни болници во Мадрид, Шпанија ќе примат на лекување седум лица повредени во стратотниот пожар во ноќниот клуб во градот Кочани, Македонија, кои се очекува да пристигнат наскоро, објавија дневните шпански весници „ABC Madrid“ и „20Minutos“ повикувајќи се на информација потврдена од портпаролот на Владата на Шпанија Мигел Анхел Гарсија Мартин. Од македонското Министерство за здравство ја потврдија информацијата за МИА. Како што наведува „ABC Madrid“, станува збор за болниците во Ла Паз и Гетафе кои ќе ги отворат вратите за овие седум пациенти кои се тешко повредени во пожарот што избувна во Северна Македонија минатата недела, на барање на македонските власти. Од седумте трансфери кои се очекуваат наскоро, петмина ќе одат во болницата во Ла Паз и двајца во болницата Гетафе, која е меѓународно признат центар за лекување на изгореници. Пристигнувањето на овие пациенти се очекува набргу, а болниците имаат сè подготвено за нив. -Бројот на загинати во овој инцидент е над 50, а бројот...
Седум лица тешко повредени во пожарот во Кочани ќе бидат пренесени на лекување во болниците во Мадрид, Шпанија. Трансферот е организиран на барање на македонските власти, при што пет пациенти ќе бидат хоспитализирани во болницата Ла Паз, а двајца во болницата Гетафе, специјализирана за лекување на изгореници. Во пожарот загинаа над 50 лица, а над 150 се повредени, меѓу кои и младиот фудбалер Андреј Лазаров.
