Денеска во Скијачкиот центар Маврово во организација на Македонското здружение на спасители во скијалишта се одржа показна вежба со сценарио „Евакуација од жичарница“. Во рамки на показната вежба тимови од МВР од Специјалната антитерористичка единица - Тигар, Единицата за брзо распоредување и Баталјонот за специјални сили на армијата „Волци“ вршеа безбедна евакуација на жичарницата која прекинала да работи. Во сценариото на вежбата жичарницата која вообичаено работи на електричен погон заради дефект прекинува да работи, не успева да профункционира ни дизел агрегатот кој треба да преземе и тогаш се повикуваат тимовите кои имаат такви специјалистички обуки, да извршат симултано и безбедно спуштање на патниците коишто се затечени на жичарницата. Целта на вежбата е унапредување на капацитетите на државата за справување со вакви кризни ситуации, засилување на соработката меѓу различни институции се со цел заштита и безбедност на граѓаните во вакви ситуации.
Во Скијачкиот центар Маврово се одржа показна вежба „Евакуација од жичарница“ во организација на Македонското здружение на спасители во скијалишта. Тимови од МВР (САЕ Тигар и ЕБР) и Баталјонот за специјални сили на армијата „Волци“ извршија безбедна евакуација на патници од жичарница која прекинала да работи поради дефект. Целта е унапредување на капацитетите за справување со кризни ситуации и засилување на соработката меѓу институциите за заштита и безбедност на граѓаните.
