Владата има намера целосно да забрани употреба на пиротехнички средства во затворен простор. Службите во рамки на МВР се задолжени да изготват документација со која би се направиле измени на легислативата што го уредува тоа прашање. Тоа денеска пред медиумите го посочи министерот за внатрешни работи, Панче Тошковски. Одговарајќи на прашања на новинарите, Тошковски истакна дека веднаш со почетокот на истрагата во врска со несреќата во дискотеката во Кочани службите во рамки на Министерството биле задолжени да изнајдат начин за забрана за употреба на такви пиротехнички средства во затворен простор. Според она што го рече тој, посточеката легислатива што го уредува тоа прашање датира некаде од 60-те години на минатиот век така што, како што посочи, ќе се оди на донесување целосно нов закон. Поради потребата од итност во уредувањето на тоа прашање, тој рече дека до донесувањето нов закон решение ќе се бара со измени на членови од постоечката легислатива. - Во иднина ќе следи обновување ...
Министерот за внатрешни работи Панче Тошковски најави измени во легислативата со цел да се забрани употребата на пиротехнички средства во затворен простор. Ова е одговор на несреќата во дискотеката во Кочани. МВР е задолжено да изготви документација за измени на легислативата, со намера целосно да се забрани употреба на пиротехника во затворен простор. Првично ќе се направат измени на постоечкиот закон, кој датира од 60-тите години, а во иднина ќе се донесе и нов закон.
