Ова е втор протест на вработените во Македонска филхармонија, откако претходно вицепремиерот и министер за животна средина Изет Меџити во интервју за 24 Вести посочи дека при поделбата на раководните функции во институциите, ВЛЕН ја добил Филхармонијата и дека директор ќе биде Мустафа Имери.
Вработените во Македонската филхармонија протестираат поради сомнежи за департизација при изборот на нов директор. Тие стравуваат дека одлуката ќе биде политичка, а не врз основа на квалификациите на кандидатите. Исто така, се сомневаат дека еден од кандидатите, Мустафа Имери, не доставил комплетна документација, но сепак му е даден рок да ја комплетира надвор од законските рокови, што според нив е спротивно на Законот за култура. Тие бараат од министерот за култура Зоран Љутков и од премиерот Христијан Мицкоски да се почитуваат законите и да се вработуваат компетентни кадри.
