Придружниот вокал на ДНК и една од тројцата преживеани членови на групата во страшниот пожар, професорката Ана Костадиновска откако ги испрати до вечното почивалиште своите најблиски пријатели и драги колеги повторно се огласи на својот Фејсбук. Ана добива бројни пораки на поддршка и лично и преку социјалните мрежи и од најблиските пријатели, колегите, соработниците, но како професорка и од децата кои се нејзини ученици. Една таква, рачно напишана од две дечиња кои заедно со пораката за брзо опоравување и испратиле и подароче, таа ја објави. „Драга професорке! Ви посакуваме брзо опоравување и што поскоро да ви се врати насмевката на лицето. Ве сакаме, Илија и Драгана“ – и порачале нејзините ученици, а нивната професорка им возврати на пораката. „Вие сте мојата насмевка и сила. ВЕ САКАМ деца мои“.
Ана Костадиновска, пејачка и професорка која преживеала страшен пожар во кој ги загубила пријателите и колегите, добива поддршка од нејзините ученици. Две деца, Илија и Драгана, и пратиле рачно напишана порака и подарок, посакувајќи и брзо опоравување.
